Millener Platt - unsere Heimatsprache
Wenn es bei uns Millener so richtig gemütlich wird wie bei Familienfeiern, im
Freundeskreis oder auch seinerzeit bei einem Glas Bier "bij Meyesch of bij Laumen aan
de Theek", dann unterhalten wir uns in unserer heimischen Mundart "Millener
Platt".
Hier und da noch durch einige limburgische Begriffe erweitert, wird sie von den meisten
Familien, zumindest noch von der älteren und mittleren Generation, gesprochen. Gerade in
dem Grenzort Millen hat die Mundart noch eine zusätzliche verbindende Funktion, ist doch
fast in jedem zweiten Haushalt ein Partner aus dem benachbarten niederländischen Gebiet.
Da "Limburgs Platt" und "Selfkant Platt" und hier besonders das
"Millener Platt" nicht nur nach phonetischen Gesichtspunkten viele
Ähnlichkeiten aufweisen, dürfte die sprachliche Verständigung nie ein Hindernis gewesen
sein.
Lassen wir nun einige Selfkantdichter zu Wort kommen.
In ein Hökske aafgeläge
Millener Liedgut
In een Hökske afgeläge van het
gruate Vaderlandj,
likt een Dörpke still en röstich, wu men spielde in de Sandj
Wu us Weechske hät gestange. Wu äs Kendj noa Schul me gung.
wu me mit sien Kameroate üver Beek en Grave sprung.
- Op de Welt klinkt niks sua hierlik,
niks sua reen sua söt su schuan,
wie de Mill'ner Heemoatsklanke in den allerschuansten Tuan
Mille is det röstig Dörpke mit
sien Kirkske wunjerschuan,
selje wir noch irges hüerde suanne schuane Klocketuan.
Bie de Sängesch höb'ver Joahre mitgesunge, vruah en blie,
merr het leefste souch'ver trecke der Persess'en Schötterie.
- Op de Welt klinkt niks sua hierlik,
niks sua reen sua söt su schuan,
wie de Mill'ner Heemoatsklanke in den allerschuansten Tuan
Assenüt die gung'ver sööke in
Schoalbisch en in Alfeshout,
plochten in de Bröök de Broam'le, wure af en tu och stoot.
Leete us noa unger rolle in de Boukeskuhl vür Pries,
gunge jage en ouch schleeire in de Wentjer op het Ies.
- Op de Welt klinkt niks sua hierlik,
niks sua reen sua söt su schuan,
wie de Mill'ner Heemoatsklanke in den allerschuansten Tuan
Wu uut gelpe koareveljer, de
Liew'rik trillend steeg umhoug,
wu de Kuckuck Spech en Mälder, üver't Hout en Weeije vloug.
In de Mei het Nachtegällke sung de schuanste Melodie,
selfs de Kuutül läet sich hüere in den Tump en der Persdie.
- Op de Welt klinkt niks sua
hierlik, niks sua reen sua söt su schuan,
wie de Mill'ner Heemoatsklanke in den allerschuansten Tuan
Merr dit Alles is vergange, vöel
van us die sieen neet miee,
vöel van us sieen in de Vrämde, denke doa mit Ach en Wiee.
Aan het vründj'lik Heematdörpke, Mille mutt'se noch en sieen.
't Hertje kloppt es in de Wiede t'Tuarespitzke hön erschieen.
- Op de Welt klinkt niks sua hierlik,
niks sua reen sua söt su schuan,
wie de Mill'ner Heemoatsklanke in den allerschuansten Tuan
Mille sull'ver steeds gedenke, wu
ver op de Welt ouch sieen,
en vür Mille in de Vrämde männige een Tröenke grieen.
Mille kunn ver neet vergäte, bis uas lesste Ührke schleet,
'n schuan Herinnering aan Mille nümm ver mit in de Ieewichheit.
- Op de Welt klinkt niks sua
hierlik, niks sua reen sua söt su schuan,
wie de Mill'ner Heemoatsklanke in den allerschuansten Tuan
(Unbekannt)
Muedersproak
Ich wüer geen richtig
Selfkanjtkentj
En hauw gein Heemoathart,
Heij ich mien Muedersproak neet gäer,
Us leef auwt Selfkanjtplatt.
Joa, die Sproak, dätt iss de
Leevste,
Die duer Mueders Mundj gewieht
Un sie klinkt wie hüere Säenge,
Glöckig uet uese Kenjertied.
Muedersproak, die bliff ues eege
wie ues Erd en wie ues Bloot
Waat ues Auisch uss gegäve
Dät iss ech en dät iss goud.
Hawt de Muedersproak in Iehre
wue het Hart ouch geet en schleet.
In de Heemoat, in de Vrämde
e Selfkanjtkentj vergitt se neet.
(Unbekannt)
Ues Mille
Wir läeve vür ues Mille
vür uss Dörpke kleen merr schuan.
Niks liever waat wir wille,
äs ues Dörpke Iehr aan duen.
Wir haute vöel van Mille,
selfs in de gruetste Nuet,
enn blieve aan ues Mille
getruew bis in den Dued.
De Döüg van 't Millender Vöükse
geet alltied noch vüruut,
en dreigt uss ens ee Wöükse,
't Sünnke kümp ouch weijer uet.
Enn mutt gett besunjesch gebüehre,
dann haut'wir wie Klette aanèen,
wir loate dann flink van ues hüehre
ameseijere ues ungerèen.
(Lorenz Brockhoven)
Unger d'Linjeboom
Hett Oaves t'sitte unger
d'Linjeboom,
dät iss vandaag döcks noch miene Droom.
Wennt aan d'n Oavend d'Päärd
möög van 't Wirke
enn de Oavesklocke lue van rundj d'Kirke,
wuerd hett still opp d'Veljer enn
in de Weje,
dänn soach men d'Buure d'Köhj hevesch leje.
Gegäete wuerd gauw hett
Oavesbruet,
un d'n Hiemel vervde sich langsam ruet.
Uut d'Huuser koam dänn gruet un
kleen,
unger d'gruete Linjeboom biejeen.
Die auw Nunke stobbten ee Piepke
enn beguesche te püffe,
enn wir Kenjer woare mit Dreck aan 't stüffe
Hett wuerd vertellt üever Werk,
Wäär en Gloff,
enn ooch all enns üever d'Wärewoof.
Dänn soate wir Kenjer mit gruete
Uehre,
dän eene bang noa dän angere luure.
Wennt d'Wendj sue duur die Blaar
dänn ruuschde,
ganz i us versunke noa die Auwe wir luuschde.
Die Vrouwlüj aan 't lache bie hett
Stricke,
enn aaf enn tuu vung eene aan 't nicke.
Noa eenen Tied wuerd dänn alles
mög,
dänn oppgestange wuerd immer vrög,
enn döcks hett Nachs dänn in d'r
Droom
soag ich mich sitten unger de Linjeboom
(Gerd Passen)